Agencies, 16 August: 7th edition Indian Super League laga sob matches toh Goa laga tinta jaga te November te lobo nesana ase. Matches toh pandemic thaki thaka nemide gara health aro safety measures logode lobole ase koise. Etu khobor toh Sunday din organizers para janaideya laga ase.
Pandemic samai te players aro officials khan besi pera nathakibole nemide ISL organizers toh etu par khali ekta state te league host koribole mon ase. Kerala be ISL lobole laga bhabona te thakise hoilebe organizers para last te Goa te lobole nemide fesla korise.
ISL para release te koise, pandemic samai te khelari, hesha lowa, staff members aro fans laga safety aro phal nemide demak te rakhikena Football Sports Development Limited (FSDL) para fesla korise ahibole laga Hero ISLb season toh Goa laga tinta jag ate lobole nemide.
Jawaharlal Nehru Stadium, Fatorda, Margao, Tilak Nagar Stadium, Vasco da Gama aro GMC Athletic Stadium, Bambolim host koribole laga venues ase.
ISL laga khobor aha toh agae din All India Football Federation para I-League laga sob matches toh Kolkata te he gara health aro safety measure logode host koribole fesla kora thakise kelay koile pandemic opor te monchinda korikena.
Jawaharlal Nehru Stadium toh reigning ISL league phase winners FC Goa nemide home ground ase aro etu stadium para India’s FIFA World Cup aro AFC Asian Cup qualifying round matches host korikena ase.
Tilak Nagar Stadium te I-League matches aro Goa Professional League games toh loikena ase. Etu toh Indian Arrows nemide home ground ase. Goa te GMC Athletic Stadium toh first integrated athletics complex ase. Tati 2014 sal Lusofonia Games loise.
ISL toh etiya desh te top tier league ase aro I-League toh second run domestic competition ase.
Add Comment