Agencies, 18 August: Patiala te National Institute of Sports (NIS) laga catering manager, toh Lucknow para aha facility te ponja bechide mandatory quarantine te rakha thakise. Tai ke toh COVID-19 nemide positive test olaise koise. Sports Authority India (SAI) para etu positive ola manu laga naam najanai dikena tai ke toh protocol hisaab te COVID-9 care centre te shift korise koise.
SAI para statement te koise, tai logode tuita tusara officials toh NIS Patiala te ponja thakise aro Local Health Department laga guidelines hisaab te quarantine rakhise aro tai khan aha nemide test kora te COVID-19 nemide positive olaise.
Aro tusara tuita ke toh negative olaise koise. Positive ola nemide COVID Centre te shift kora toh phal treatment nemide aro precautionary measure hisaab te ase koise.
SAI koise, tai ke quarantine te rakha nemide, tai para tusara logode interact kora nai. Monday te State Bank of India branch laga employees ke toh NIS pithor te positive test powa thakise. Hoilebe SAI para jai thaka camps nemide Khatara toh nai koise kelay koile athletes, coaches aro support staff ke toh green zone, colour-coded campus te rakha nemide. Bank toh red zone te ase koise. Aji kali boxing, weightlifting aro athletics nemide training toh NIS campus pithor te loi ase koise.
Add Comment