Israeli, France hamla hoi thaga time de military aircraft hari-jaise: Russia

Agencies, 18 September: Tuesday din Russia’s defence ministry pora janaideya hesab de, Syria jaga de Israeli aro French forces hamla hoi thaga time de Russian military aircraft harai-jaise koise. Etu aircraft de 14-jun manu thakise koise. US official pora janaideya hesab de, Washington khan Il-20 turbo-prop plane toh anti-aircraft artillery pora mari-keraidese pari koise.  Syrian state media pora khobor janaide kena thaga hesab de, Latakia jaga de Il-20 toh korai ahha thakise koise. Etu time de “enemy missiles”, aro  missile defence toh hamla hoi thakise koise. Plan haraijaa de France khan toh eku haat nai koi-kena janaideya thakise. Moscow laga defence ministry pora janaideya hesab de, etu phan toh Russia de korai ahha thakise aro Monday din Moscow time (20:00 GMT) time de contact haraijaa thakise koise.