August 19,2020: Narendra Modi-led government para Wednesday te manishe government departments and nationalized banks te kaam kuribole nimete National Recruitment Agency (NRA) bonabole ase common examination lobole nimete.
Information & Broadcasting Minister Prakash Javadekar para New Delhi te khobor dishe ki etu historic decision toh Union cabinet laga meeting Prime Minister Narendra Modi logote luwa te loishe.
Javadekar koishe ki Common Eligibility Test (CET) para juwan manu khan ke kaam asani para pabole nimete modot kuribo.
NRA para hudai sal CET lobole ase aro etu para bishi test luwa toh hatabo alag government jobs nimete luwa toh.
Minister koishe ki CET shuru kura para process toh bhal hobole aro job bisara manu khan nimete asani hobo.
Cabinet meeting luwa pichede Javadekar koishe etia candidates khan non-gazetted government jobs dibole thaka toh alag examination dibole pareh aro fees khan bishi bar dibole olaijai.
Javadekar koishe NRA para etu dikdaar toh hatabo alag alag government jobs nimete ekta common test lobole nimete.
NRA khan logote ekta exam centre thakibo desh laga sob districts te.NRA exam laga score toh tin sal nimete thakibo aro sob candidate khan etu exam lobole nimete paribo tai khan laga score bhal kuribole nimete.
Javadekar koishe Aro tinta score laga best lobo kaam laga selection process samay te.
Add Comment