Agencies, 19 August: Former Australian fast bowler Jason Gillespie ke toh South Australia cricket team laga head coach nemide naam korise. Gillespie para jaga toh last season Jamie Siddons para jaga chara nemide loise.
Gillespie para statement te tai toh South Australian cricket team laga coach nemide chance powa karni ektum honour ase ase koise. SACA te players, coaches aro off field team logode kaam koribole chance powa toh ektum kushi laga ase koise.
Tai para be Team SACA te part hibole nemide ektum agae shai thaka ase koise.
Gillespie toh South Australia’s most prolific bowlers laga ekta ase. Tai laga naam te 54 Sheffield Shield matches aro 71 Tests ase.
South Australian Cricket Association (SACA) Chief Executive Keith Bradshaw koise, South Australian men’s head coaching role toh South Australian cricket te ektum kaam laga ase koise. Tai khan para be Jason para tai khan laga program refresh koribole aro agae loijabole nemide thek manu howa jansishe koise.
Aji kali England te Sussex te coach kori thaka toh October tak South Australia te role lobole naparibo koise.
Bradshgaw para be October tak Jason toh England te thakibole opor te janishe koise aro tai toh etu season kothom nahowa tak tai laga role Sussex logode thaka nacharibo koise.
Add Comment