Agencies, 18 September: Tuesday morning Pyongyang jaga de South Korea laga leader Moon Jae-in pongji kena ase. Tai tati pongja toh North Korea leader Kim Jong Un logode denuclearisation aro 1950-53 Korean War kothom koribo karni, kotha koribole ahha ase. Moon Jae-in logode tai laga maike (wife) Ri Sol Ju be aihese. Tai jun logode Kim Jong Un aro tai laga party pora phool (flower) khan loi-kena ahha thakise. Moon thaga jaga Paekhwawon State Guest House de tuita leader toh kotha korijabole ase. Etu jaga dehe purana South Korean presidents toh kim’s laga baba Kim Jong II logode 2000 aro 2007 de log kora thakise. Kim aro Moon majode arobe second par kotha toh Wednesday din thakibo. Etu time de tai khan sign koribole biswas kori ase. Thursday de Moon toh South Koreas de koraijabole ase. Etu tuita leader, etu sal April 27 aro May 26 de tui-par log kora thakise.Tuita meeting be Panmunjom jaga de lowah thakise. Tuita summit time de, tai jun tuita desh majode thek thakibole kotha kora thakise. Aro etu tuita desh toh eki logode meli-jai kena economic cooperation de saijabole kotha kora thakise.
Add Comment