Agencies, 21 August: Etu par laga poll te besi phak Japanese companies toh arobe Tokyo Olympic Games cancel nohoile postpone lakiya janaishe.
Thursday te Japan’s Kyodo news agency koise, Tokyo Shoko Research para online survey lowa te 12,857 companies cover korise aro 27.8 percent toh Tokyo Games cancel lakiya janaishe aro 25.8 percent jun toh aro be event postpone lakiya janaishe.
Etu manae 53,6 percent firms toh games lobole opor te kelaaf ase. Survey toh July 28 aro August 11 majode loise. Etu te 46.2 percent toh game agae jai thakibo lakiya dikhise aro 22.5 percent toh ektum plan para Olympics lobole support te ase. 18.4 percent manu toh komti shaa manu thakikena game lobole lakiya dikhise aro 5.3 percent toh shaa manu nathakikena lakiya dikhise.
Japan toh COVID-19 infections laga second wave para dukh pai ase. Desh te 1178 notun cases confirm hoise aro Tokyo te 339.
Tokyo Governor Koike Yuriko para residents ke precautions lobole nemide samjai ase.
Tokyo 2020 organising committee president Yoshiro Mori koise, Tokyo Olympics etu sal July 24 para August 9 tak lobole thaka napara toh aha sal be lobole naparibo judi COVID-19 pandemic toh othi thakise koise. Tai para be judi game toh aha sal te lobole naparise koile cancel kuribole olabo koise.
Etu autumn para organisers toh COVID-19 kelaaf concrete countermeasures nemide Japanese government aro Tokyo Metropolitan government logode kotha koribo lakibo.
Add Comment