Agencies, 26 August: Royal Challengers Bangalore para Indian Premier League laga 13th season nemide players othabo karni personalised training approach suru koribole ase.
Jowa Friday din Dubai te pon ja RCB para six din laga quarantine toh Wednesday (August 26) te kothom koribole ase aro etu bechide tai khan laga training toh Thursday para bio-secure environment te suru koribole ase.
Franchisee’s Director of Cricket Operations, Mike Hesson para sob team members nemide ekta training session toh lobole thek nahowa janaishe.
Tai koise, “players olob moina agae te alak alak environment te bohoise. Etu para alak alak stages laga fitness aro training te singular training approach toh thek nahobo season nemide daiyar koribole. Ami khan laga Support Staff team toh flexib le te kaam korib o aro personalized support debo. Ami khan ke high skilled Support Staff team toh ase players laga mental, heal aro emotion ke sabo nemide. Etu para players ke daiyari nemide motob pabo aro tai khan laga best cricket khelibo daiyar hobo”.
RCB head coach Simon Katich para be players nemide alak alak split-group sessions thakibo koise aro squad members toh ketiya daiyar hoi besi competitive training thakibo koise.
RCB para ICC Cricket Academy te tin hapta laga training camp suru koribo aro tai khan gara training aro practice toh koribo kelay koile UAE agae te tai khan asti para khel te pura phal koribole nemide.
Add Comment