Agencies, 30 August: Sport Authority of India para Sunday din shooters laga developmental group ke facilities toh aha moina para jolabole nemide manibo koise kelay koile central government para Unlock 4 guidelines te lockdown restrictions toh aro hataideya nemide.
SAI para Target Olympic Podium scheme laga shooter aro National Centre of Excellence (NCOE) at Karni Singh Shooting Range te shooters nemide training toh September 2 direk para suru koribo koise.
SAI para Health Ministry laga guidelines aro nejor laga Standard Operating Procedure (SOP) toh training samai nemide manibo koise.
India toh Unlock 4 te kusha nemide SAI para Developmental Group athletes nemide facilities toh khulibole fesla korise.
Aro koise, first leg te, SAI para TOP group laga shooters aro National Centre of Excellence (NCOE) laga athletes nemide sporting activities toh Karni Singh Shooting Range (KSSR) jag ate September 2, 2020 para suru koribole manishe.
Kohbah shooters khan toh etu moina laga majode direk samai para Karni Singh Range te training kori ase koise.
Saturday din Union Home Ministry para Unlock-4 guidelines deya te September 21 para suru korikena sports te 100 manu tak jama hobo nemide manibole fesla kora thakise. Notun guidelines deya teministry para sports active ities te pura bondh toh othaishe. Poila etu toh August 31 tak nemide thakise.
Home ministry guidelines te koise, limited jama kora toh khali face masks, social distancing, thermal scanning nemide provision aro haat thola nahoile sanitizer logode he manibo koise.
Add Comment