Agencies, 01 September: Tuesday te Chennai Super Kings camp te ektum aram monchinda nathaka toh dekhise. Kelay koile Monday para COVID-19 nemide test low ate sob players aro support staff ke negative test ola nemide.
Etu agae olob hapta te IPL 2020 nemide Dubai te landing lowa bechide, etu tin par IPL jeta teat ke toh third din te 12 personnel logode positive test powa thakise. Positive powa te tuita Indian players- bowler Deepak Chahar aro batsman Rituraj Gaikwad be melikena thakise. Etu samai te, veteran batsman Suresh Raina toh nejor ke pura tournament te hisha thakibole naparibo kowa thakise aro tai toh personal karan koi kena khor te koraija thakise.
Tuesday te Times of India te khobor hisaab te, CSK camp te negative korai ahishe. Etu para tai khan nemide monchinda komti korise. Hoilebe tai kha n arobe September 3 direk te tusara test lobole ase. Judi aro be negative olaise koile tai khan September 5 direk para training session toh suru koribo.
Hoilebe khobor hisaab te, Chahar aro Rituraj toh September 12 direk tak quarantine te thakibole ase.
Add Comment