Agencies, 01 September: Indian cricket board para Rs 10 crore nesana budget toh 20,000 opor COVID-19 tests nemide korishe. Etu toh September 19 direk para Indian Premier League suru howa samai te test lobole nemide ase.
India te eight franchises para testing laga daam debo. BCCI para tab toh RT-PCR tests nemide junishe. Testing toh team khan August 20 direk UAE te ponja samai para suru korise.
August 20 para 28 direk majode sob melikena 1988 COVID tests loise. Etu test lowa toh players aro support staff be melikena sob tournament te mela khan ke loise.
Chennai Super Kings ke toh quarantine othabole joborjos kora thakise kelay koile tai khan laga contingent te 13 members ke toh COVID nemide positive test ola karni. Etu positive ola te tuita players India seamer Deepak Chahar aro A team batsman Ruturaj Gaikwad be melikena thakise.
Sob toh etiya 14-day mandatory quarantine te ase aro tai khan sob ke tui par negative tests bechide training suru koribole paribo.
Add Comment