Sharif, Maryam, aro Safdar jail pora olabo

Islamabad, 19 September: Wednesday din top Pakistani court pora jai de saja paikena thaga purana PM Nawaz Sharif, tai laga maike bacha aro maike bacha laga moda logode jail pora olabole janaideya thakise. Tai khan corruption case pora pasha kena jail saja powah thakise. Islamabad High Court laga two-judge bench toh purana Sharif, 68, tai laga maike bacha Maryam aro maike bacha laga moda Capt (retd) Muhammad Safdar pora petitions de-kena thaga de huna thakise. Tai khan London de flats kena laga chamala pora jail de jabole ola thakise. July 6 de, accountability court judge Mohammad Bashir pora saja honai de kena thaga toh Justice Athar Minallah pora judgement pori-kena saja toh suspend koridese. Avenfield properties case pora Sharif, 68, Maryam, 44, aro Safdar, 54, ke toh 11 sal, eight sal aro ek-sal jail-saja ppowah thakise. Two-judge bench pora purana PM, tai laga maike bacha aro maike bacha laga moda logode Adiala jail pora olaidebole order korise.  Sharif, Maryam aro Safdar logode be bail Rs 500,000 debole janaise.