Agencies, 02 August: Lionel Messi laga baba toh Wednesday morning Spain te ponjishe aro tai toh tai laga bacha laga future opor te kotha koribole nemide Barcelona club officials logode kotha koribole bhabona ase.
Jorge Messi toh Lionel Messi laga agent be hoi. Tai toh Argentina para Barcelona te land korise. Tai toh club president Josep Bartomeu aro tusara team officials logode lok koribole bhabona ase hoilebe tai khan ketiya lok koribo etu opor te najani kena ase.
Jorge Messi para be airport jaga te tai khan lok koribole opor te tai toh eku najani koise.
Lionel Messi para jowa hapta Barcelona ke tai toh club charibole mon ase kowa thakise aro tai season kothom howa bechide charibole mana contract clause te plea kora thakise. Hoilebe Barcelona para clause toh June te expired hoise aro tai toh aji kali laga contract June 2021 tak thaka te thaki thakibo lakibo nahoise koilebe buyout clause of $700 million euros ($837 million) dekena charibo lakibo kowa thakise.
Barcelona para be Messi charibole opor te facilitate nakoribo koikena ase aro tai khan toh contract othabole ekala te kotha koribo koikena ase. Club para Argentina (Messi) k etui sal contact extension (Contact otha) nemide offer kora thakise. Etu para tai ke Barcelona logode 2022-23 season tak rakhibole laga ase.
Messi laga baba ke lok kora opor te Barcelona apra be tai khan toh Missi logode personally lok koribole mon ase koise kelay koile Messi laga bhabona putli korikena club logode thaki thakibo nemide. Club para tai khan Missi ke thaki thakibo nemide ektum kosish kori ase koise.
Lionel Messi toh charibole tai laga fesla janaideya bechide club officials logode etiya tak lok nakori kena ase. Tai para etu fesla janaideya toh August 14 direk Champions League quarterfinals te opponent Bayern Munich ke 8-2 para hara bechide ase. Etu hara para club nemide ekta dekthari season te rakhise. Tai khan title naloi kena hara toh 2007-08 becha para first ase.
Add Comment