Assam police SI recruitment scam te ek jun thurishe

SEPTEMBER 29,2020: Police khan para aro ek jun manu ke  Assam police SI recruitment scam nimete thurishe.

Nalabari police Monday rati te     SI recruitment examination candidate Gunjan Talukdar Rampur Chaygaon police station Kamrup district te thurishe.

Question paper toh  Sub-Inspector recruitment exams September 20 te leak hoishe etu  par government  khan exams toh cancel kuribole  olaishe.

Etu recruitment  exam     597 posts sub-inspectors nimete etia  October 25 te lobole ase.Gunjan  ke  (case no 507/20) sections 120 (B), 406, 420 aro 418 IPC bithor te thurishe.

Police koishe thurikena thaka  Gunjan toh city  lodge te coaching  loishe kuntu te   questions papers khan paishe exams khan nohoa akhe te.

Police para   tai laga mobile phone thutishe aro tai ke nalbari  te luijaishe.komti hoilebi etu scam nimete  19  manu khan ke etia  tak thurikena ase.

Hoilebi former DIG PK Dutta and BJP youth leader Diban Deka, etu laga key suspects  toh   napaikena  ase.

Pradip Kumar, chairman State Level Police Recruitment Board Sunday te tai laga  post para hatijaise.

Assam  police para look out notice dishe    tai khan laga  khilaaf    aro bhabona kuri ase  cash award dibole  nimete etu laga  khobor  dia nimete etu dui jun manu khan  ke thura toh.

Komti hoilebi 60,000 candidates etu exams  nimete apply kurishe hoilebi etu toh cancel kurishe   etu  bi  shuru huwa olop minutes huwa  pichede kile koile etu toh   akhe  para  hi  social media  te  leaked hoijai nimete.