October 01,2020: Uttar Pradesh gang rape laga hadsaa para desh ke halaidiya diya samay te Tripura te ekta housewife ke rape kurikena murabole kosish kurishe.
Etu accused toh jaka para polaishe aro victims para SOS call dishe etu para osorte thaka bosti manu khan ke hosiyar kuraidishe.
Etu hadsaa toh chandul Sonamura Subdivision Sepahijala district laga remote bosti te hoishe.
Local koishe”etu victim toh osorte thaka rubber garden te kaam kureh aro tai ke ekta Maman Hossain gaari chula manu para uthaishe etu ghor te wapas jaa samay te.”
Tai laga kisaa kuwa samay te etu maiki para police ke koishe Hossain para joborjosti kurishe osorte thaka jungle te aro tai ke murabole kosish kurishe.
Hoilebi tai modot nimete haalaa kurishe aro kunba locals khan tai halaa kura hunishe aro tai ke bachabole nimete jaishe.
Etu pichede tai para Hossain laga khilaaf complaint kurishe aro tai ke police para thurishe.etia manu khan ghussa uthikena Hussain laga ghor julaidishe.
Add Comment