China pora besi websites bondh koridese

Shanghai, 22 September: Saturday din official Xinhua news agency pora kowah toh, online de chamala khobor jani-powah hesab de China pora 4,000 websites pora be besi website aro three-month campaign laga online accounts bondh koridese koise. China khan pora internet toh ektum tight koridese. Aro tai khan pora online de illegal kum kori thaga, pornography, gambling, religious proselytising aro mesa-mesi khobor phelai thaga nesana khan sob bondh koridese. May de campaign suru kora, authorities khan 120 violations de saise aro 230 companies logode thek koribole lowah thakise. China’s National Office  pora Pornographic aro Illegal Publications de kelaf kori kena janaideya hesab de, August moina time de 147,000 pora be besi dekthari khobor khan bondh korideya thakise koise. Xinhua pora kowah toh, online pora spread improper values, vulgarity aro obscenity de target kori ase koise. Jowah hapta authorities khan pora janaideya toh, Cambodia de live-streaming pornography platform thaga toh tai khan pora beya koridese koise. Ato tai khan pora jolai thaga 3.5 million pora be besi manu khan register hoi kena ase koise.