Rouhani pora Iran missiles othabole wada korise

Tehran, 22 September: Western khan pora dekthari de thaga bechide-be, Saturday din President Hassan Rouhani pora Iran’s ballistic missile agae joi-jabole wada korise. May moina US Donald Trump nuclear deal pora olaijaa bechide Iran’s logode dekthari de ase. Military parade time de Rouhani pora kowah toh, tai khan defence de ketya be na-namibo koise. Aro hotai din-din de defences toh othai thakibo koise. Iran de ballistic missiles toh 3,500 kilometres (2,200 miles) range tak laga ase aro etu toh Israel aro US bases de aram pora pongjibo.Aro etu din military parade time de na-jana manu pora hamla kora karni besi jun moraide kena ase. State television logode khobor janaideya hesab de, etu hamla howah toh parade time de thakise koise. Etu hamla pora besi jun manu moraide kena aro besi jun jokhom pai kena ase koise.