Agenciese, 22 September: Saturday din Hong Kong pora China logode link thaki-kena notun sobse speed rail khulise. Etu pora travel times ektum beya pora namaidebole ase. Hoilebe, Beijing’s laga semi-autonomous Chinese region opor de mondukh hoi ase. Etu railway bonabo karni USD 10 billion pora be besi aro eight sal pora be besi laga thakise. Etu rail de 80,000 pora be passengers toh Asian financial center aro Guangdong province majode hotai perai thakibole ase. Hong Kong pora Shenzhen tak 26 kilometers (16 miles) perai thaga train toh khali 14 minutes ge lagi. Guangdong’s capital Guangzhou tak laga train toh kheli adha khonda pora besi lagibo. Etu toh aji-kali laga pora be 90 minutes sobse joldi wala ase. Border par howah bechide, Passenger khan China laga sobse speed rail de link thakibole paribo. Etu rail de 44 destinations pora be besi thakibole ase.
Add Comment