White House te 34 staffers logot virus paishe

October 8, 2020. US government memo para koishe ke, “komti hoilebi 34 White House staffers aro dosura manuh logot virus paishe” tai khan logot novel coronavirus positive tested olop din agae te thurishe, koikena koishe. Memo te darik Wednesday din thakishe aro ABC News para khobor deya toh Federal Emergency Management Agency (FEMA) te senior leadership khan logot janai thishe. Memo te kowa toh, President Donald Trump laga senior advisor nam kowa nai, tai toh  Covid-19 bemar thurishe aro tai hospital te tin(3) rati thakina White House te positive paikena ahishe koishe. President osor te thakia kaun manuh positive tested paikena ase, tai khan toh First Lady Melania Trump, White House Press Secretary Kayley McEnany, RNC Chair Ronna McDaniel, Utah Senator Mike Lee, North Carolina Senator Thom Tilis, former adviser Kellyanne Conway aro Trump campaign director Bill Stepien, ase koishe. President ke Walter Reed National Military Medical Center te October 2 darik te loikena jaishe, aro etu din te bemar toh positive paishe. Monday saam te tai hospital para olaishe, koikena Hill news website te khobor toh janai thishe. US Centers for Disease Control and Prevention (CDC) para self-isolation te 14 din thakibole koishe, hoilebi White House para koishe ke, Trump toh Wednesday din para Oval Office te kam kori ase.