London: October 9, 2020. North-east England universities te 1,800 students aro staff manuh khan logot jaa hafta para coronavirus positive test paikena ahi ase. Newcastle University para koishe ke, 1,003 students aro 12 staff manuh logot jaa hafta para coronavirus bemari toh paikena ase. Friday din te be 94 cases paishe khobor thakishe. Northumbria University te 619 notun cases paishe aro Durham University te be 219 cases thurishe. Universities khan para tin(3) moina nemite online teaching koribo bapana koris ase, konuba cases te nohoile, koikena janai thishe. Newcastle University para koishe ke, “cases besi wala toh social aro residential settings para ase” etu nemite campus pithor te manuh khan ke hosari thakibole kam kori ase. Durham University para students kaun khan colleges te ase, cases besi utha nemite aha hafta nemite campus pithor thakiboli koishe. Leeds University para koishe ke, 555 students aro 3 jun staff manuh logot September 28 aro October 4 darik pithor te positive test paishe. “ami khan jani ase ke, number pithor te manuh khan ase, aro tai khan para hosari thakibo lage, health aro bhal thakboli toh manuh sob laga kam ase, koikena the university laga Vice Chancellor Professor, Simone Buitendijk para junai thishe. Manchester laga sobse tangor tuita(2) universities- Manchester University aro Manchester Metropolitan University te October moina nemite teaching kora toh bondh thakiboli junai-kena thakishe. Konuba training courses nemite kula thakishe. Joint statement ekta te, universities para local media logot koishe ke, Manchester city te COVID cases toh besi utha nemite tai khan “public health authorities aro Manchester City Council khan logot lok korishe. University campuse pithor te students khan nemite bahana besi ase, keli koile tai khan compulsory quarantine kora samay besi dhuk pai koishe. Desh laga universities ke represents kora toh Universities UK ase, tai khan para etu hafta checklist loikena universities logot motob thikena kaun students khan self-isolating korai ase etu khan ke motob thishe koishe. “Self-isolation toh COVID-19 phela rokaboli sobse bhal kam ase. Students khan ke self-isolate koribo nemite university staff aro students’ unions khan para tangor kam te tai khan laga physical aro emotional para motob thiase, etu oper te testing aro health care, mental health support, c online class, safe social interaction, food deliveries, laundry, aro financial support, toh sob ase, koikena Universities UK laga Chief Executive para koishe.
Add Comment