Bangladesh: Rape kora manuh ke capital punishment debo

October 9, 2020. Bangladesh te rape cases nemite capital punishment bonaboli planned koriase. Desh te maiki manuh  oper te sexual violence nemite protest besi thaki ase. Thursday din te Bangladesh laga Law minister Anisul Huq para October 12 darik te legal amendment toh cabinet meeting te thibo koishe. “ami khan Prime Minister Sheikh Hasina logot proposal toh thishe aro orders toh rokiase. Etai laga law te penalty samay rapist khan logot capital punishment thiboli propose kori ase, koikena bdnews24 para Huq kowa toh janai thishe. Tuesday din para Dhaka’s Shahbagh aro dosura chaka desh pithor te protest jaiase, Noakhali te maiki ekta logot hamla kota te aro Sylhet’s MC College te maiki ek jun logot rape kora nemite. ‘Bangladesh Against Rape’ koikena student groups ekta khan para Friday din Shahbagh te rally thakishe. Etai, Bangladesh’s Women and Children Repression Prevention Act pithor te sobse tangor punishment toh rape korile saal phur jail te thakibo ase. Aro rape korikena manuh toh morile, saaja toh morai thibo. Aro etu oper te fine te lobo koishe. Bangladesh te etu saal January aro August moina pithor te komti hoilebi 889 maki manuh ke rape korikena ase, etu khobor toh legal rights group Ain O Salish Kendra para janai thishe.