Beirut building te char jun muraidishe

October 10, 2020. Friday rati te, Beirut laga building pithor te diesel tank bota te char(4) jun manuh morishe aro besi jun jokom hoishe, koikena Lebanese Red Cross para janai thishe. Western Tariq Jadidah chaka te blast toh ke para hoishe khobor eku thaka nai. State-run National News Agency para koishe ke, Building neje te bakery laga pithor para jui toh olaishe. Firefighters para jolti jui to bondh korikena manuh khan ghor pithor te thaka ke uthaishe. Etu chaka te Lebanese troops khan be ahikena sai thaka manuh khan te bechete hataishe. Etu blast howa toh tui(2) moina agae te Beirut port te tangor blast hoikena 200 oper manuh morishe aro 6,500 manuh jokom paishe, aro etu samay billions poisa neshina noksen hoishe.  August 4 darik Beirut’s port te, ammonium nitrate3,000 tons neshina bota ase. Etu samay toh choi(6) saal neshina store te rakina thaka ase. Nitrate toh kenaka botishe, etai be khobor nai, tui dozen neshina manuh ke thurikena ase, etu oper te port aro customs officials khan be samil ase koishe. Dosura Lebanon chaka te, jungle te jui olaikena Mediterranean desh pura jui hoishe. Jui toh Israel logot border thaka bosti khan te be lakishe. State-run news agency para koishe ke, jui ola nemite Wazzani te mine be botishe, hoilebi jokom paa nai. Osor desh Syria te jungle jui para tui(2) jun manuh morishe, aro 20 jun neshina khan saas loboli thiktar thakishe, koikena health ministry para koishe.