Karachi: October 11, 2020. Pakistani Sunni Muslim cleric aro tai laga driver ke najana manuh para hamla korikena Karachi city te morai thishe, koikena media para khobor junai thishe. Saturday din te, hamla kora manuh khan para Maulana Dr Adil Khan, kaun Karachi’s Jamia Farooqia laga head ase, seminary thaka samay hamla korishe, etu khobor toh police officials khan para kowah, Dawn News para janai thishe. Mr. Khan toh kaun para Jamia Farooqia kolishe, late prominent scholar Maulana Saleemullah Khan laga bacha ase. Etu seminary toh Shah Faisal Colony te ase koishe. Jamia Farooqia toh Deobandi sect laga Sunni Muslim teachings ase.
Police laga statement hesab te, Mr Khan laga gari toh Shah Faisal Colony shopping centre te sweets loboli korikena thaka samay, hamla kora manuh para gooli marikena bolaishe koishe. Mr Khan ke Liaquat National Hospital te loikena jaishe, hoilebi tai poncha samay morishe koikena janaise, etu khobor toh hospital laga spokesperson Anjum Rizvi para koishe. Tai laga driver Maqsood Ahmed, ke be Jinnah Postgraduate Medical Centre (JPMC) laga doctors khan para morishe janaise, koikena hospital laga executive director Dr Seemin Jamali para khobor thishe.
Tai khan tin(3) jun manuh pithor te, Umair toh moriboli para toh pachise, etu samay tai shopping center te sweets keniboli jaikena thakishe, koikena Geo News para khobor koishe. Police chief Ghulam Nabi Memon para koishe, tin(3) jun manuh motorcycle te ahishe aro ek jun lamikena gooli toh marishe. “ami khan etai eye-witnesses para khobor toh loiase” News International para koishe. Counter-Terrorism Department (CTD) laga ) in-charge Raja Umar Khitab laga hesab para koishe ke, “tai ke hamla koriboli boila para dayar thaka ase”, khobor para koishe.
Add Comment