Bangladesh: Rape kelaaf te, Oct 16 protest koribo

October  11, 2020. Bangladesh te maiki manuh khan logot rape, harassment aro violence kora nemite Bangladesh te Dhaka para soru korikena Noakhali dak protest koriboli ase koishe. Manuh khan cahaka sob oper jama hoikena aro activists khan alag-alag political organizations khan be etu protest kora samay samil koriboli ase. Organisers khan hesab te, Noakhali te October 17 darik te grand rally toh thakibo koishe. Friday din te, banner ekta “Bangladesh Against Rape and Torture” koikena, Dhaka National Museum bahar te protest korishe.Tuesday din te aro, Dhaka Shahbagh aro desh laga chaka besi te alag-alag organizations khan para protest korishe. Noakhali aro Sylhet’s MC College te rape korna nemite protest kora ase koishe. Etai dak te Bangladesh police para alag-alag chaka para rape charges te 22 manuh ke thurikena ase aro etu oper te Ashulia in Savar, Sonagazi in Feni, Noakhali, Chandpur, Jashore aro Chittagong chaka para manuh khan ke thurikena ase koishe. Bangladesh te etu saal January moina aro August moina pithor te 889 maiki manuh logot rape korikena ase, etu khobor toh legal rights group Ain O Salish Kendra para junai thishe. Aro etu samay pithor te 192 neshina manuh khan rape attempts aro sexual harassment korishe, aro 9 jun manuh para toh nejor laga jaan be loishe koishe.