Chachoengsao, Thailand: October 11, 2020. Sunday din, Thailand te train aro bus laka-lakina hoikena 18 manuh morishe aro 40 jun jokom paishe. Bus toh manuh khan ke loikena religious ceremony te jai thaka samay hoishe, koikena officials para janai thishe. Etu aji pujur, capital Bangkok para 50 kilometres (30 miles) east jaikena howa ase. Dozens jokom howa manuh khan ke osor medical facilities te elaj nemite loikena jaishe, koike na provincial hospital laga director Sombat Chutimanukul para khobor thishe. “char(4) jun besi serious te ase aro ath(8) jun elaj koriase” 23 jun pithor te etu khan tai laga hospital te admitted ase, tai para reporters logot koishe.
State Railway of Thailand governor Nirut Maneephan para etu chaka te manuh kora khobor toh reporters khan logot koishe ke. Government department para video thika te, bus toh train tracks osor te jai thaka samay saman boka blue train para side te mari thishe. Olop agae te rescue manuh para noksa thika te, saman tokara howa aro manuh laga bodies khan train laga track te thikeshe. Rescue manuh khan para jokom manuh ke ambulance te loikena jaishe aro pujur te crane para bus toh track bahar te kori thishe koishe. Etu bus te 60 manuh neshina khan toh osor desh Samut Prakan province para Chachoengsao temple te jai thaka ase koikena province governor Maitree Tritilanond para janai thishe. Manuh khan para monks ke yellow robes thiboli bapana thaka ase- etu traditional ceremony ase aro etu Buddhist Lent kotom kowa moina te kori thaki, koikena tai reporters logot koishe.
Add Comment