Facebook aro Instagram laga 2.2 Million ads hataishe

Paris: October 18, 2020. Facebook aro Instagram te sob melaikena 2.2 million ads rejected korishe aro 120,000 posts neshina hataishe. Etu khan para lobili thaka US presidential election te “obstruct voting” kori asem koikena Facebook’s vice president Nick Clegg para Sunday din interview thaka samay koishe. Etu oper te 150 million neshina khobor mesa khan online te olaishe, etu khobor toh purana British deputy prime minister para French weekly Journal du Dimanche te janai thishe. Facebook para parai dak etu kali kam toh nakori boli kujus kori ase, etu nemite 2016 saal laga US presidential election Donald Trump para jetishe. Etu samay Russia te tai khan para network toh olta korina choishe. “Thirty-five thousand employees  khan para security platforms toh sai ase aro elections te motob kori,” Clegg para koishe, tai toh Facebook te global affairs aro communications laga vice president ase. “ami khan 70 specialised media logot partnerships bonaina ase aro etu oper te France te 5 ase, khobor toh saa hesab te.” Tai aro koishe. AFP be partners pithor te ekta ase. Clegg para aro koishe ke, company para artificial intelligence be choi ase, etu nemite billions fake account laga posts toh hatabole pareh, users khan logot khobor napa agae te”. Facebook para aro fund aro aha chaka advertisements aro khobor toh 7 saal nemite jama kori,” tai koishe. 2016 saal te, tai deputy prime minister thaka samay, Clegg para the Journal du Dimanche logot complaint kora toh, Facebook para foreign network ekta be saikena US election te tikar deya nai koishe. Wednesday din President Trump para koishe ke, Facebook aro Twitter para New York Post block kora nemite Ukraine te tai laga election dushman Joe Biden aro chokra para kam beya kora toh bahar te olai nadi.  Eke din agae te, Facebook para ads ban koriboli junai beche coronavirus bemari thaka samay manuh khan tawai loboli tiktar paiase. Social media giant para koishe ke, health nemite importance toh janaikena ase”.