Frozen food package te jenta coronavirus paishe

October 18, 2020. China health authority para koishe ke, port city Qingdao te bahar para aha packing te jenta novel coronavirus paishe. Etu first time ase ke, jenta novel coronavirus toh cold-chain food packing te thakishe, koikena Chinese Centre for Disease Control aro Prevention (CDC) para Saturday din statement te janai thishe. Qingdao te authorities para kowa toh, kaun chaka te notun COVID-19 cases olaishe, etu chaka te 11 million population logot tests loishe. Test kora bechete notun bemari cases toh panai, koikena local authorities para junaishe. July moina te, packages te virus thura beche, China para bahar saman aniboli bondh kori thishe. Hoilebi, package toh kaun desh para anishe,  etu khobor toh janiboli deya nai. Agency para koishe ke, China laga bazaar te cold-chain food aha jaa samay novel coronavirus takiboli toh besi komti hoishe, aro koishe olop din agae te he business para samples othaikena nucleic acid test loishe. Desh pura laga 24 provincial chaka te September 15 dak te 2.98 million samples test loishe aro 670,000 toh cold-chain food nahoile food packaging te test kora te, 1.24 million manuh toh ka, kora khan ase aro 1.07 million toh  osor manuh khan thakishe. Bahar laga cases pithor te Shanghai para 5 cases, 4 Guangdong te, Shaanxi te 2 aro Tianjin aro Sichuan para 1 thakishe. Saturday din dak te China te COVID-19 bemari cases toh 85,672 pongchise. Sob melaikena 80,786 bemar manuh khan bhal hoikena hospital para olaishe. Etu samay 4,634 manuh morikena ase, etu khobor toh Commissioner para janai thishe.