Billionaire James Dyson para Singapore “Super Penthouse” pekabo ase

Singapore:  October 19, 2020. British billionaire James Dyson, kaun para bagless vacuum cleaner olaishe, tai aro maiki para three-storey Singapore penthouse toh bekaboli ase koishe. Tai jun etu kena toh ek saal neshina hoishe, S$74 million ($54 million) para kenishe koishe. Singapore laga sobse ocha building, Tanjong Pagar Centre pasta(5) besna thaka room “super penthouse” aro rtu oper te 600-bottle wine cellar be ase koishe.“etu offer toh Wallich penthouse te manishe, “koikena Dyson’s firm laga spokesman para koishe. Tai para Dyson laga ghor nahoile saman laga dhun toh kowa nai, hoilebi, Dyson toh Asian city-state te he thakiboli ase koishe. The Business Times newspaper para etu bekaboli khobor toh first junaishe, aro koishe ke, offer te penthouse toh S$62 million te manishe, nahoile Dysons para kena dhum te 15% neshina kom koriboli koishe. Etu ghor te,  pool, jacuzzi, aro garden be ase. Ek paar dham toh S$100 million thakishe, etu para desh te sobse dham penthouse ase. Etu ghor keniboli thaka toh Indonesian-born tycoon Leo Koguan ase koikena paper para koishe. Tai toh U.S. citizen ase aro chairman aro co-founder of infotech provider SHI International, etu pithor te Boeing aro AT&T laga 20,000 customers khan be ase koikena, business magazine Forbes para janai thishe. Dysons laga dosura ghor Singapore te thaka toh tangor mati ase aro etu te pool aro waterfall be ase koishe. Billionaire para tai laga company laga head office toh Britain te thaka toh Singapore te loikena anishe aro etu sobse jolti tangor kora market ase koishe. Jaa saal, tai para Singapore te electric car olaboli bapana thakishe hoilebi commercially najowa nemite. “Dyson para Singapore te research aro development tangor koriboli aro dosura kam khan koliboli tangor bapana te ase, koikena spokesman para koishe.