US Covid Patient Flight para morishe

October 22, 2020. Texas maiki ekta, July moina, Spirit Airlines flight te Las Vegas para Dallas, ghor jai thaka samai morishe, koikena officials para etu hafta janai thishe. July 24 darik saam Spirit flight toh Las Vegas jariboli Dallas-Fort Worth International Airport para Albuquerque wabas korishe, keli koile etu maiki laga jawab eku nathaka nemite, koikena Albuquerque International Sunport laga khobor kora Stephanie Kitts para koishe. Tai aha samai morikena thakishe, Kiits para janaishe. Etu maiki 38 umer toh ajanak saas loboli rokishe aro saas kotom koishe, koikena police para koishe. Flights te kam mora manuh khan para CPR thiboli kojus korishe, hoilebi, tai dhuk kora nemite morishe, khobor para koishe. Ketai plane toh landed hoishe, emergency crews  khan para maiki ke plane para loikena ola beche tai ke saas thiboli korishe koishe. Dallas County Judge Office para etu khobor toh first junai thishe aro koishe ke, tai logot dosura medical bemar be thakishe. New Mexico laga officials khan para tai mora oper te investigate kora bechete, tai toh Covid-19 bemar para mora ase aro etu oper te asthma aro morbid obesity bemar be thakishe koishe. Albuquerque te Airport managers khan para etu maiki logot Covid bemar thaka toh najanina thakishe, Kitts para koishe. Sunday din te Dallas County te virus bemar para mora nemite officials khan para Dallas te mora neshina konti koribo. “etu maiki toh interstate airline flight te morishe, etu nemite health nemite tangor risk ase,” kokena county para notun khobor junaishe. Spirit laga khobor kora manuh Erik Hofmeyer para airline lagan am para maiki laga ghor manuh aro sati khan logot mon dhuk howa janai thishe. Tai koishe ke, airline toh coronavirus cases hosari thakiboli hokom sob jolaiase aro Centers for Disease Control and Prevention logot melikina kam koriase koishe.