US te 24 gonda pithor 90,000 cases paishe

October 30, 2020. Washington, United States: October 30, 2020. United States te record hoishe ke, Thursday din first time ase ke 24 gonda pithor te notun coronavirus cases toh 90,000 thurishe, koikena Johns Hopkins University laga tally hesab te janaishe. Desh te, October moina te Covid-19 bemari toh besi othishe, hoilebi, Thursday (0030 GMT Friday) te 24 gonda pithor te bemari notun case toh 91,295 paishe, koikena Baltimore-based school laga real-time hesab te khobor thishe. United States te bemari soru hoikena coronavirus bemari cases toh 8.94 million hoikena ase aro duniyaa pithor te sobse besi wala ase etu. United States te aro 24 gonda pithor te Covid-19 para 1,021 manuh morishe. Desh te sob melaikena 228,625 manuh morikena ase. Duniyaa te sobse besi mora khobor ase. Desh te agae laga record toh Saturday din te 88,973 notun bemari cases thakishe. Etai, virus toh Midwest chaka te besi pheli-kena jaiase koishe. Etai para election thakiboli 5 din ase ke, Democrat Joe Biden para Donald Trump oper te health crisis aro virus ke saa te kotha para President logot hamla kori ase.