White House Chief, Mark ke Covid positive paishe

November 7, 2020. White House laga Chief Staff Mark Meadows ke novel coronavirus positive tested paishe, officials para janaishe. Meadows toh etai laga White officials majot te sobse tangor pithor te virus bemar thurishe. Olop din agae te administration te senior officials khan logot be paishe, etu oper te jaa moina, President Donald Trump aro First Lady Melania Trump ke be positive tested paishe, koikena Hills news website para janai thishe. Meadows logot bemari toh keneka lakishe khobor toh jananai. Hoileni, officials para Friday din te kowa toh, tai re-election campaign office neshina Arlington aroVirginia te peraishe aro etu din te Election Din te President be thakishe. Jaa moina, Dosura administration kaun khan Covid-19 positive tested paikena thaka toh senior manuh Hope Hicks aro Stephen Miller; White House Press Secretary Kayley McEnany; RNC Chair Ronna McDaniel; Republican Senators Mike Lee aro Thom Tilis; former adviser Kellyanne Conway aro Trump campaign director Bill Stepien, thakishe. Friday din US te aro coronavirus cases toh 125,000 paishe. Etu ek din pithor laga sobse besi cases thakishe aro tui(2) din wala hoiase koishe. Johns Hopkins University hesab te, United States te Friday din 125,596 notun cases paishe aro etu melaikena 9,727,345 hoikena ase. Komti hoilebi 1,137 notun mora khobor paishe. US te sob melaikena 236,025 manuh morikena ase. Etu tuita khobor toh duniyaa te sobse besi ase, etu nemite United States toh sobse beya bemari desh hoikena ase.