US pora Taiwan logode military hatyar bekhabole manise

Agencies, 25 September: US State Department pora Taiwan logode F-16 fighter planes aro tusara military aircraft bekhabole manise. Etu bekhabole laga dum toh $330 million tak hobole ase. Etu laga de Taiwan toh US companies logode finalize koribo lagibo. Monday de the Pentagon’s Defence Security Cooperation Agency pora kowah toh, etu plan pora United States laga foreign policy aro national security de phal hobole ase koise. Etu deya pora be Tqaiwan laga political stability, military balance, aro economic progress toh phal hoijabole ase koise. Etu laga kotha Chinese Foreign Ministry spokesman Geng Shuang pora kowah toh, China laga sovereignty aro security interests de effect hoise koise. Tai pora daily news logode koi-kena thaga toh, China khan United States pora arms bekhabole plan kora de ektum gara pora kelaf kori ase koise. US pora Taiwan logode etu bekhabole plan kora de ektum suspect pora ase aro tai khan logode etu na-bekhabo karni cancel koridebe koi kena ase. Tuesday de, Taiwan’s Presidential Office pora United State logode thanks janaideya thakise. Aro tai khan pora Washington logode phal pora mela-meli thakibo kowah thakise.