Aung San Suu Kyi party election jetishe

November 13, 2020. National League for Democracy (NLD), Aung San Suu Kyi, loikena tai laga party khan para Myanmar election te tangor kamyaab hoishe. Friday din khobor hesab te election commission para junaishe ke, NLD party Aung San Suu Kyi para loikena 368 seats jetishe, aro etu Myanmar laga Parliament te 50% logot besi wala ase. “manuh khan besi bhal para janikena thakishe ke, NLD khan votes besi pabo aro government bonabo” koikena NLD spokesman Myo Nyunt para kowa toh media para janai thishe. Aro kamyaab howa nemite etu para political larai toh komti thakibo. Officials laga khobor hesab te koishe ke, Aung San Suu Kyi’s party para general election toh tangor te jetishe. Purana ruling military-aligned party para election toh free aro neum para lowa nai koishe. Etu samai, Indian Prime Minister Narendra Modi para Nobel peace prize winner Aung San Suu Kyi, tai laga party aro National League Democracy (NLD) kamyaab kora nemite congratulated korishe. Modi para aro koishe ke, Myanmar te election bhal para kotom howa nemite osor desh te democratic botli hoi thaka toh be bhal hobo. Modi para kowa toh Suu Kyi logot melikena kam koriboli sai ase aro tuita desh pithor te sati neshina melikena thaka toh aro masbot hoboli koishe. “Daw Aung San Suu Kyi aro NLD logot election te kamyaab howa nemite Congratulations ase”. Myanmar te election bhal para loboli parai toh democratic botli hoita nemite be tangor katam thakibo. Ami tui logot melikena kam koriboli sai ase aro rista toh masbot thakibo,” koikena Modi para janaishe.