November 14, 2020. Saturday din te earthquake 5.4 tangor Richter scale te Pakistan helai thishe, koikena National Seismic Monitoring Centre para junaishe. Centre para koishe ke, mati-hela laga epicentre toh 38 km northeast provincial capital Quetta te thakishe aro 10 km pithor te thakishe, koikena Xinhua news agency papra khobor koishe. Mati toh 7.56 a.m. samai helishe, centre para aro koishe. Quetta jarikena, tangor mati-helai janai toh chaka besi te thakishe, etu oper te Mastung, Killa Abdullah aro Pishin districts khan te be ahishe, local media para khobor toh janaishe. Xinhua logot kotha kora samai, Director General of Pakistan Meteorological Department Muhammad Riaz para koishe ke, Mati-helai toh neje te ahishem aro jodi epicentre toh manuh besi thaka chaka te ahishe koile toh besi manuh moriboli thaka ase. Police para Quetta chaka te koishe, mati-hela laga khobor toh desh chaka aro osor te sai ase. Pakistan te mati besi heli thaki koishe, keli koile desh toh besi beya mati helai chaka osor te thaka nemite.
March 12, 2026
World's First and Only Nagamese Newspaper
Add Comment