November 14, 2020. Friday din te French Armed Forces Minister Florence Parly para junaishe ke, desh laga sepia para Al Qaeda’s North Africa wing laga military leader Bah ag Moussa ke Mali te morai thishe. “France te sobse tangor larai kora samai terrorism kelaaf te kamyaab paishe. Aro etu France para tai laga partners Sahel te thaka logot melaikena kora ase” koikena Party khan para kowa kotha toh Xinhua news agency para junai thishe. “Sahel te jihadi movement nemite historic figure thaka, Bah ag Moussa para Malian aro international forces logot besi hamla korikena ase aro boila te laria hoikena thaka sob toh tai laga kam ase” koikena tai para aro statement te janai thishe. Moussa toh Islam aro Muslims manuh laga military leader ase aro Sahel chaka te Qaeda wing khan para kam koriase. Tuesday din te operation thaka samai intelligence resources, sepia aro helicopters melaikena larai kora te Moussa te morai thishe, etu khobor toh Defence Ministry para koishe. France te 2014 saal para loikena Sahel chaka te special military operation kam nemite terrorist aro pithor manuh khan ke larai te kamyaab hoi ase koishe.
Add Comment