China, ASEAN aro Asian para trade deal sign korishe

November 16, 2020. China aro 14 Asian desh khan para duniyaa laga sobse tangor free-trade bloc bonaboli manishe. Sunday din te Regional Comprehensive Economic Partnership (RCEP) toh virtually annual summit 10-nation Association of Southeast Asian Nations (ASEAN) para signed korishe. “RCEP toh jolti saikena signatory desh para kam soru koribo, etu oper te COVID bemari samai beya hoikena thaka economic be bonabo,” koikena Vietnam laga Prime Minister, Nguyen Xuan Phuc, para janai thishe, etu samai tai ceremony te ASEAN chair korishe, Al Jazeera para khobor thishe. Khobor para koishe ke member desh pithor te tax toh komti lobo. Duniyaa laga economy hesab te 30 per cent lobo, duniyaa population te 30 per cent lobo aro 2.2 billion consumers pongchibo koikena Vietnam para koishe. 10 ASEAN desh oper te China, Japan, South Korean, Australai  aro New Zealand khan be samil ase. United States toh nathakibo. Officials khan para koishe ke, accord pithor te India logot be samil hoboli moka thishe. India khan domestic opposition logot market-opening nemite jamila olaikena jarishe, Al Jazeera para janai thishe. Al Jazeera para koishe ke, United States khan RCEP te samil nai, 11-nation Trans-Pacific Partnership (TPP) koishe ke, United States President Donald Trump para office te aha beche olai jaishe. Etu nemite tuita(2) trade groups pithor te duniyaa laga sobse tangor economy olai jaishe.