Jaa sal Indian students para US economy ke 7.6 billion motob dishe

November 17, 2020. Indian students khan para US economy ke 2019-20 saal nemite USD 7.6 billion motob thishe koishe. Hoilebi, Indian students sob melaikena thaka pithor te 4.4 per cent komti thakishe, koikena khobor para janai thishe. United States te, international students pithor te China khan sobse tangor kamai ase, tai khan 16^th saal wala othiase. United States te 2019-20 sal majot te Chinese Students khan 372,000 thakishe, koikena “Opens Doors 2020” para khobor toh koishe. International students pithor te Indian khan 2^nd tangor kamai ase, hoilebi, 4.4 per cent komti hoikena 193,124 students hoishe. US Department of State’s Bureau Educational aro Cultural Affairs aro Institute of International Education (IIE), para khobor koishe ke, 5^th saal wala ase ke, United States para ek saal pithor te 1 million international students (1,075,496) khan ke host kori thaki. United States te 2019-20 saal pithor te, (1.8 per cent) international students khan komti hoishe, etu group khan para US higher education system te 5.5 per cent samil hoikena ase.  US Department of Commerce para koishe ke, 2019 saal nemite US economy logot international students khan para USD 44 billion thikena ase. “United States te bemari nahowa agae te ami khan 5^th saal wala te 1 million international students hoboli bahana thakishe, koikena Assistant Secretary of State, Educational aro Cultural Affairs, Marie Royce para koishe. “International student khan perabo nemite aji neshina important ase, ami khan besas ase ke United States toh students khan laga study  aro degrees paboli nemite sobse bhal chaka ase. Education toh ahiboli din aro international educational exchange aro students khan botli hoboli nemite besi tangor power ase’ koikena  Royce para koishe.