Wuhan nemite Chinese journalist ke jail dishe

November 17, 2020. Chinese journalist kaun para Wuhan te virus ola nemite khobor thishe, tai toh 5 saal nemite jail jabole ase koikena, notun ola documents para janai thishe. Zhang Zhan,  37 umer aro puila  lawyer thakishe. Tai ke May moina te thurikena ase koishe. Wuhan  te virus ola nemite khobor deya te Ms Zhang toh first journalist ke thura nahoi. February moina te tin(3) manuh be bolaikena ase. Li Zehua, April moina te ahishe, tai toh “quarantining” kori thakishe koishe. Etu beche tuita(2) wala, Chen Qiushi toh government para saiase, etu oper te tin(3) jun wala toh journalist, Fang Bin, tai toh koti ase najani. Etai, khobor hesab te kowa toh, Ms Zhang para February moina te Wuhan laga kisa besi olai thishe. NGO Network ekta Chinese Human Rights Defenders (CHRD) para koishe ke, Ms Zhang laga kotha hesab te dosura independent journalists khan ke thurishe aro tai khan laga ghor manuh ke be besi dhuk thishe koishe. Hoilebi, May 14 darik te, tai Wuhan para olai jaishe, CHRD para koishe. Ek din thaka beche, tai koishe ke, Shanghai te police para thurikena thakishe. June 19 darik te, tai ke Police para Shanghai te neum hesab para thurishe. 3 moina thaka beche, September 9 darik te, tai laga lawyers logot lok koriboli thishe. CHRD koishe ke, Ms Zhang para hunger strike jaikena, tai ke thura nemite protest korishe. September 18 darik te, tai laga lawyer logot phone ahikena Ms Zhang ke kolti thaka nemite thurishe koishe. Jaa Friday din tai ke neum hesab te case korishe. Monday din tai oper te kelaaf kora toh, “kolti khobor phiishe aro dosura media neshina WeChat, Twitter aro YouTube te videos khan toh thala nemite”. Tai ke aro botnam kora toh hoile, tai para dosura media khan logot Wuhan te virus ola khobor janai deya nemite thurishe. Ms Zhang ke 4-5 saal neshina jail jabole janaishe.