November 17, 2020. Novel coronavirus bemari ola bechete United states te 1 million (10 lakh) neshina becha khan logot bemari thurikena ase, notun data hesab te khobor thishe. Khobor para koishe ke, etu hafta pithor te bacha khan logot notun bemari toh 112,000 paikena ase aro etu bemari soru beche ek din pithor te sobse besi wala cases ase. American Academy of Pediatrics (AAP) aro Children’s Hospital Association laga data hesab te koishe ke, November 12 darik dak te bacha khan logot bemari cases toh 1,039,464, paikena ase aro sob melaikena cases pithor te 11.5 per cent ase. Hoilebi, khobor para kowa toh Covid-19 bemar toh bacha khan pithor te komti ase kowa toh jolti te data saboli lage koishe. “100,000 bacha population pithor te sob melaikena rate toh 1,381 cases ase”, koikena AAP laga statement hesab te janai thishe. Covid-19 cases thaka Bacha khan umer toh 49 states laga health department websites te thikena ase aro etu oper te New York City, District of Columbia, Puerto Rico, aro Guam laga be thikena ase koishe. Tuesday pujur dal te, sob melaikena coronavirus cases toh 5,48,26,773 ase aro 13,25,752 morikena ase, koikena Johns Hopkins University’s Center for Systems Science aro Engineering (CSSE) laga notun khobor hesab te janai thishe. CSSE hesab te, Duniyaa te bemari toh United States sobse beya hoikena ase, US te 1,11,97,791 bemari cases ase aro 2,47,142 manuh morikena ase koishe. Bemari cases hesab te India toh 2nd besi wala koikena ase koishe.
Add Comment