Kinshasa, DR Congo: November 18, 2020. Wednesday din te Democratic Republic of Congo para desh te Ebola bemari thaka kotom hoishe koikena junai thishe. Desh te 5 moina agae te Ebola bemar para 55 manuh morishe. “ami besi kushi ase te Equateur province te 11th bemari Ebola virus toh hataihse koikena junaboli,” koikena Health Minister Eteni Longondo para journalists khan logot janai thishe. World Health Organization para koishe ke, notun khobor te etu bemari toh sob melaikena 119 cases thaka pithor te 55 manuh morishe aro 11 manuh etu bemar neshina hoikena ase. June moina te bemari soru kora ase. East desh te agae bemari samai vaccine lowa nemite bemari pheli thaka toh rokaishe, koikena WHO para janai thishe. Otu saal bemari toh August 2018 saal te olaishe aro etu samai desh te sobse manuh besi 2,277 neshina morishe. Desh te bemari toh officially kotom nahowa agae te aro notun bemar haemorrhagic fever koikena olaishe. Etu bemari toh March moina para hoshari thakina coronavirus bemari logot larai kori ahiase koishe. “etu samai, bemari toh aro othiboli besi tangor risk te ase’ koikena minister para junai thishe.
Congo te Ebola bemar kotom howa junaishe
Add Comment