Saal kotom samai 40 million COVID-19 vaccine pabo

November 21, 2020. Etu saal kotom howa samai 40 million vaccine paijabo koikena Friday din White House para janaishe, etu oper te Trump laga administration para desh pura te COVID-19 vaccine thiboli koishe. Etu fesla toh US Food aro Drug Administration para Emergency Use Authorisation mana beche soruh koribo. “vaccine laga kotha kora samai ,ami khan besas as eke 40 million tawai toh etu saal kotom nahowa aage te paijabo. Etu history te sobse jolti wala vaccine thakibo”, koikena White House laga Press Secretary Kayleigh McEnany para news conference samai junai thishe. Aage din te Pfizer aro Moderna para coronavirus vaccine bona te kamyaab hoikena ase, tai jun para be 90 percent bhal khobor hoikena ase.  “ami khan jani as eke Moderna toh 94.5 per cent bhal ase aro Pfizer 95 per cent,” ase, McEnany para koishe. July moina te Trump laga administration para Operation Warp Speed te Pfizer tawai USD 1.95 billion para bonaboli fesla loishe aro COVID vaccine toh thibo, etu oper te American manuh nemite free te bapo. “etu samai Democrats khan para January 13 darik te botnam thikena ase. Trump administration aro National Institute of Health para Moderna logot melaikena American manuh nemite vaccine oper te kam korishe,” koikena McEnany para aro koishe.  “etu administration khan para safe aro bhal vaccine banaboli aro manuh logot thiboli saal pura kam kori ase. White House Press Secretary para aro koishe ke, administration para desh laga 64 chaka te melikena manuh sob logot vaccine thiboli bapana ase.