Moderna laga ekta tawai $25-$37 hobo

Frankfurt: November 22, 2020. Moderna para COVID-19 vaccine candidate ek paar lowa te $25 aro $37 poisa loboli koishe. Tawai toh manga hesab te thakibo, koikena Chief Executive Stephane Bancel para German weekly Welt am Sonntag (WamS) te janai thishe. “ami khan laga vaccine dham toh flu shot neshina thakibo aro etu $10 para loikena $50 thakibo,” tai para koishe. Monday din te, EU official khan para kotha kora samai koishe ke, European Commission para Moderna logot million tawai supply dibole fesla loboli mon ase aro vaccine candidate toh ek paar lowa te $25 para komti thakibo. “etia dak eku sign korikena nai, hoilebi, ami khan EU Commission logot fesla osor te ase. Ami khan Europe logot diboli mon ase aro kotha koriase”, koikena Bancel para WamS janai thise. Aro koishe ke, etu kam toh “olop din he ase” etu beche contract toh tayaar thakibo. Moderna para koishe ke, experimental vaccine toh 94.5% kam kori ase aro etu para COVID-19 bemar ke pachabo pareh. Late-stage clinical trial laga data oper te ase. Pfizer aro tai laga partner BioNTech beche second tawai ola company ase koishe. EU aro Moderna khan experimental COVID-19 vaccine nemite July moina para kotha kori ase koishe.