Washington: November 23, 2020. US President-elect Joe Biden para Indian-American Mala Adiga ke tai maiki Jill laga policy director junishe. Experienced education policy thaka maiki ke First Lady hoikena community college classes nemite education aro plans hekaboli junishe. Adiga toh Jill laga senior advisor aro Biden laga2020 campaign samai senior policy advisor ase. Olop din aage te tai toh Biden Foundation te higher education aro military families te director kam kori thakishe. Etu nahowa aage te, Obama administration samai, tai toh Bureau of Educational and Cultural Affairs te state for academic programmes laga deputy assistant secretary kori thakishe aro State Department’s Office of Global Women’s Issues te be chief of staff aro senior adviser kam korikena ahishe. “aha din nemite First Lady Jill Biden’s Policy Director toh Mala Adiga thakibo, tai para Biden-Harris campaign samai senior advisor aro senior policy advisor kam korikena ahishe. Adiga toh First Lady logot melikena kam koribo aro tai para education aro military families khan ke hekabo,” koikena Friday din te CNN para khobor janai thishe. Friday din te aro Biden para koishe ke, White House laga staff nemite manuh thakibo ase aro etu Biden laga besi din para sati thaka ek jun hobo. Louisa Terrell, kaun para Biden Foundation te Executive Director kam kori thakishe, tai toh White House Office of Legislative Affairs te Director hobo. Tai toh Obama-Biden administration samai besi experience manuh ase aro President for Legislative Affairs te Special Assistant thakishe, koikena khobor para janaishe. Carlos Elizondo toh Obama administration samai Jill Biden laga social secretary thaka toh etai White House laga Social Secretary hobo. Ambassador Cathy Russell toh White House Office of Presidential Personnel laga Director kam koribo koishe. Adiga toh aro National Security Staff’s (NSS) Multilateral aro Human Rights Directorate te Director for Human Rights korikena ahishe. Tai NSS te samil kora samai Department of Justice te attorney thakishe aro tai para Associate Attorney General te Counsel kam korishe. Adiga toh government service te samil nakora aage te, tai para volunteered korikena Obama presidential campaign te tui(2) saal neshina kam korishe, etu khobor toh US State Department website te tai laga biography hesab te kowa ase. Tai, J D toh University of Chicago Law School para paishe aro M P H toh University of Minnesota para ase. Adiga graduated howa toh Iowa, Grinnell College para ase aro Spanish te BA loishe.
Jaa hafta te Biden para Ron Klain ke chief of staff hoboli junai-kena ase.
Add Comment