November 23, 2020. American manuh nemite first COVID-19 vaccine toh December 11 nahoile 12 darik te paijabo koikena White House para Sunday din te junai thishe. Friday din te American pharmaceutical giant Pfizer aro tai laga German partner BioNTech para US Food aro Drug Administration khan logot emergency samai jaboli authorization mangishe. Etu fesla koribo nemite FDA vaccine advisory committee khan December 10 darik te lok koriboli ase. “ami khan laga bapana te vaccines toh immunisation sites te 24 gonda pithor te pongchabo ase. Etu para December 11 nahoile 12 darik te fesla loboli ase, koikena US coronavirus vaccine programme laga head Dr Moncef Slaoui para CNN logot koishe. “besas as eke, United States pura te manuh khan sob ke vaccine thiboli ase aro State Department of Health para kowa neshina chaka sob te vaccine toh thibo ase”, Slaoui para janaishe. Tai para etu kotha etu desh te coronavirus cases besi othi thaka nemite koishe. United States te bemari cases toh 12 million oper hoishe aro 255,000 manuh morikena ase, koikena John Hopkins University hesab te janaishe. Slaoui koishe, judi FDA para manishe koile, vaccine toh aha din te olaijabo. US Centers for Disease Control and Prevention (CDC) para warn thishe ke, desh te “coronavirus cases toh besi jolti othiase. CDC para American manuh logot besi napiraboli janishe aro November 26 darik te bemari toh rokaboli nemite Dunyabad kora din maniboli koishe. White House coronavirus task force coordinator Dr. Deborah Birx para koishe ke, Dunyabad deya samai American manuh ghor pithor te jama kora toh limite thakiboli lage.
Add Comment