Pfizer aro Moderna logot Sputnik-V dham komti hobo

November 23, 2020. Covid-19 bemari nemite Russia laga Sputnik V vaccine toh government para Pizer’s aro Moderna’s vaccine logot be dham komti hoboli ase koikena officials Twitter handle te duniyaa laga bemari kelaaf te first vaccine registered korikena thaka toh Sunday din janai thishe. Junai deya hesab te Pfizer toh $19.50 aro Moderna toh $25-$37 ekta tawai te, etu matlab toh tai khan laga dham toh $39 aro $50-$74 thakibo. Ek jun manuh nemite Pfizer, Sputnik V aro Moderna vaccines tuita(2) loboli lage”, koishe. Russian Direct Investment Fund (RDIF) laga spokesperson para koishe ke, RDIF toh Russia laga sovereign wealth fund ase aro Russian laga vaccine toh aha hafta public khan logot janai thibo, koikena TASS news agency para khobor thishe. August moina te Russian toh first desh hoishe ke Covid-19 vaccine ke jolaboli maiishe. Sputnik V ke large-scale clinical trial koriboli officially registered hoishe. Etu laga vaccine toh Russian Health Ministry pithor te Gamaleya National Research Centre for Epidemiology and Microbiology para bonaishe. Etu laga 3^rd post-registration laga clinical tests toh August 25 darik te soruh korishe. Vaccine toh dosura kam te be jolai thaka oper te aro bona laga ase koishe. Russian Health Ministry para koishe ke, etu vaccine para immunity toh tui(2) saal dak thakibo koikena thikai-kena ase. Vaccine laga first batch toh Russian chaka te September 12 darik te pongchikena ase koikena TASS para khobor toh janai thishe.