Bangladeshi smuggler drugs logot thurishe

GUWAHATI: November 24, 2020. Guwahati Frontier pithor te thaka Troops of Border Security Force (BSF) para Bangladeshi smuggler aro Indian smuggler ke border osor Coochbehar district, west Bengal para thurishe koishe. Khobor hona hesab te Guwahati Frontier BSF khan para Dharla, Sahebganj, Coochbehar district te special operation samai Indian smuggler ke thurishe. Tai laga hath te paddy seeds be thakishe. Etu contrabands toh India aro Bangladesh pithor te smuggled kori koishe. Etu Indian smuggler laga nam toh Mojabfar Hoque, 28 umer, aro tai toh Purba Sahebganj, Coochbehar district para ase koishe. Tuita(2) wala khobor te, BSF troops khan para aro special operation ekta te Digaltari, Sahebganj police station, Coochbehar district te ekta Bangladeshi narcotics smuggler logot Ganja thurishe. Etu saman toh India para Bangladesh te smuggled kori thaka ase koishe. Bangladeshi smuggler laga nam toh Md Jahrul Islam, 48 umer ase aro tai toh Barjani,  Kurigram district, Bangladesh desh para ase koishe. Thura manuh logot saman toh Sahebganj police station te thishe aro legal action tai khan oper te loboli ase janaishe.