States ke distribution strategy bonabo nemide task force bonabole koise

Agencies, 24 November: Tuesday te Prime Minister Narendra Modi para sob states aro UTs laga Chief Ministers ke Covid vaccine distribution nemide infrastructure bonabole kaam koribole koise. PM para 130 crore manu ke phal para dawai debo nemide phal channel bonabo lakae koise. Kondu leader ke be naam nakorikena PM Modi para konbah manu toh dawai opor te politics kheli ase koise. Tai para main shaa toh dirstribution nemide infrastructure bonabole hobo lakae koise.

Chief Ministers logode review meet te  chaired thaka PM Modi para Chief Minister khan ke COVID-19 vaccine strategy laga feedback toh lekhikena share koribole koise. Tai para kon hoilebe eku view impose nakoribole aro sob toh melikena kaam koribole koise. PM koise, “Melikena kosish nemide, Aji India toh tusara desh para be recovery aro fatality rates te phal situation te ase”.

Tai para target toh positivity rate 5 percent nejide hobole aro fatality rate toh one percent nejide hobo lakae koise. Tai para be besi RT-PCR tests nemide koise.

Tai koise, “Ami khan dawai toh ketiya para pabo kobo napari. Etu toh dawai bonabo nemide ektum dukh pai kena kaam kori thaka scientists opor te ase”.

Tai para CMs ke koise, “Oxygen aro ventilators available b onabole kosish be ase. Ami khan medical colleges aro district hospitals te oxygen generation toh self-sufficient bonabole kosish ase. Desh te 160 opor oxygen generation plants bonabo nemide kosish toh jai ase”.

PM Modi para be COVID-19 opor te awareness bonabo nemide kaam koribole koise.

Dawai opor te PM koise, etiya testing laga last leg te kushishe. “Safety toh kaam laga ase ami khan nemide. India para citizens ke dawai deya toh sob scientific standards te safe howa hobole ase. Vaccine distribution strategy toh states logode melikena olabole ase. Satates para be cold storage facilities nemide kaam suru koribo lakae”.

PM para be COVID-19 vaccine programme laga daiyari nemide, district nahoile block level te task force/steering committees bonabole koise.

Din time te PM para be cases othi thaka states laga chief ministers logode COVID-19 situation te sabo karn I via video conferencing lowa thakise. Tai para be Covid vaccine distributions nemide strategy bonabo karni CMs para suggestions lakiya janaideya thakise.