Beirut, Lebanon: November 26, 2020. Tuesday din te judicial source para koishe ke, Beirut port blast howa te judge para Lebanon case sai thaka te tinta(3) cabinet laga members khan para investigated koriboli koishe. August 4 darik te port te 100 tones ammonium nitrate botikena 200 oper manuh morishe aro 1000 neshina jokom hoishe, etu oper te capital jaga toh besi beya kori thishe. Etu bota nemite government khan resigned korishe. Judge Fadi Sawan para chetti te parliament ke public works aro transportation minister Michel Najjar, finance minister Ghazi Wazni, aro justice minister Marie-Claude Najm, logot investigate koriboli koishe, koikena judicial source para janaishe. Tai para aro koishe ke, purana ministers kaun khan para position te thinta(3) cabinets te thakishe, tai khan logot be investigate koriboli janaishe. Etu kotha toh parliament te lui jaikena higher council te ministers khan ke hatabole parai nemite ase.
Lebanese officials khan para international khan para saboli aha be rejected korishe, etu oper te nejor desh aro bahar para cases toh bhal kori saboli koikena ase. Etai dak Local authorities khan para 25 manuh ke thurikena ase, etu oper te tangor port aro customs officials khan be samil ase.
France para experts aro US Federal Bureau of Investigation khan melikena preliminary investigation jai ase koishe. Olop din agae te Judicial sources para AFP logot koishe ke, Lebanon logot American experts laga khobor paikena ase hoilebi, France laga khobor be roki ase koishe. Beirut Bar Association khan para pert botai nemite manuh khan laga criminal complaints toh 100 neshina public prosecutor logot thikena ase koishe.
Add Comment