Kohima, 25 November: North East te tin din nemide visit kora Army Chief General Manoj Naravane para Aji November 25, 2020 te notun residential facility toh Kohima Orphanage and Destitute Home (KODH), Kohima te inaugurate korise.
PRO (Def) Kohima para press relese te etu facility toh Assam Rifles para jolabole ase koise. Asaam Rifles toh KODH aro area laga tusara besi orphanages te functioning nemide support te hotai agae thakae koise.
Assam Rifles para koi thaka facility te bona aro kothom kora te etiya 95 bacha ke care kroa te 26 chokri ase. Bacha khan ke love, care aro affection ekala nahoikena local schools aro colleges te education be dae. Assam Rifles para jaija besi sal para etu nesana organizations ke supports toh thorugh alak alak Civic Action Projects para dae koise.
Poila Rs 4.5 lakhs nesana daam laga saman toh Orphanage ke tuita toilet blocks bonabo nemide deya thakise aro tuita computers aro ekta tv be deya thakise. April aro June 2020 samai te be olob basic rations toh deya thakise kelay koile pandemic samai te basic amenities deya ensure koribole nemide.
Press release te be ekta medical camp toh loise aro etu te health aro hygiene nemide sob bacha ke basic tests korise koise.
Add Comment