Egypt te Remote-Robot para Covid test lobo

Tanta, Egypt: November 26, 2020. Egypt te coronavirus bemari 2nd wave poncha nemite remote-control robot para COVID-19 test koribo, etu para bemari manuh laga temperature sabo aro manuh khan mask nala-kaile warn koribo koishe. Etu toh north Cairo private hospital te ase. Mahmoud el-Komy para robot toh bonaishe aro Cira-03 koikena nam thishe. Etu para bemari lakiboli limit te motob koribo aro virus toh lakia-laki hoboli rokabo koishe. Etu robot laga face toh manuh neshina ase aro matha aro hath toh robot ase, etu para blood tests, echocardiograms aro X-rays lobo aro result toh bemar manuh ke screen te thikabo.  “ami robot toh manuh neshina bonaboli korishe, keli koile bemari manuh khan phui nakoriboli..manuh khan osor te box toh pera neshina nalakiboli,” tai koishe. “bemari manuh khan bhal kotha koikena ase, tai khan robot toh thikena phui kora nai. Etu oper te, robot logot besi besas tangor ase keli koile, manuh logot robot toh besi norom wala ase.”. Cira-03 para bemari manuh ke test toh hath olaikena  mook te thurikena mook te swab toh loi koishe. Private hospital laga head Abu Bakr El-Mihi para koishe ke, kaun manuh khan COVID-19 bemar suspect ase tai khan ke temperature sai koishe.